Meksikalik hujumchi Santyago Ximenes "Milan"da qolishdan umid qilayotgan bo‘lsa-da, klubning o‘zi undan qutilishni istamoqda va buning yo‘lini topgan ko‘rinadi. Buning ustiga, juda yaxshi narxda — Portugaliyaning "Portu" klubi u uchun 28 million yevro taklif qilmoqda, deb xabar bermoqda Deportes Total nashri.
Shu bilan birga, manbaning ta’kidlashicha, futbolchining ayni paytdagi real bozor qiymati 20 million yevrodan oshmaydi. Shu sababli, bu variant juda foydali hisoblanadi, ayniqsa, agar futbolchi ma’lum bir o‘yin va vaqt ko‘rsatkichlariga erishsa, "ajdarholar" keyinchalik turli moliyaviy bonuslar sifatida yana 7 million yevro to‘lab berishga tayyor ekanliklarini inobatga olsa.
