"Barselona" bosh murabbiyi Alonso istefosi haqida gapirdi

• Mr.NoBoDy 14.01.2026 19:16
• 241
• 30

"Bu futbol, bunday holatlar bo'lib turadi. Xabi bilan munosabatlarim yaxshi: biz Leverkuzenda tanishganmiz va aloqani uzmaganmiz. Unga faqat eng yaxshi tilaklarni tilayman. Ishonchim komilki, tez orada uning ixtiyorida ajoyib loyiha paydo bo'ladi. U yuqori saviyali murabbiy va kelajagi porloq ekaniga shubha yo'q.

Klub va jamoa senga ishonishi kerak. Qaror qabul qiluvchi insonlar murabbiyni qo'llab-quvvatlashi muhim. "Real" shunday yo'l tutishni lozim topdi, ammo bu mening ishim emas. Murabbiylik kasbi juda murakkab, zimmamizda katta masuliyat bor, lekin oxir-oqibat bu ishimizning bir qismi va biz buni qabul qilishimiz kerak", — dedi Flik.

Laportaning unga bo'lgan ishonchi haqida

"Kelajakda nima bo'lishini hech kim bilmaydi, hamma narsa o'zgarishi mumkin. Futbolda, ayniqsa, katta klublarda g'alabalar muhim ahamiyatga ega. Bu erda ish boshlagan ilk soatlarimdanoq bir narsani tushundim: biz hamjihatlikda ishlashimiz kerak. Hozir o'zimizni bir oiladagidek his qilyapmiz.

Prezident shunday degandi: «Nafaqat o'yinchilar, balki xodimlar, klub rahbariyati, Deku, futbolchilarning yaqinlari — barchamiz bir katta oilamiz». Men buni Saudiya Arabistonidagi turnir paytida ham his qildim. Bunday madaniyatni juda qadrlayman", — deya qo'shimcha qildi "ko'k-anorranglilar" ustozi.