Niderlandiya terma jamoasi yarim himoyachisi Rayan Gravenberx milliy jamoaning Jahon chempionati — 2026ni tark etganidan so‘ng o‘z fikrlarini bildirdi.
Turnirning 1/16 finalida Niderlandiya Marokash terma jamoasiga 1:1 (pen. seriyasi bo‘yicha 2:3) hisobida imkoniyatni boy berdi. Gravenberx o‘z faoliyatida birinchi marta Jahon chempionatida ishtirok etdi; u jamoaning turnirdagi barcha to‘rtta uchrashuvida boshlang‘ich tarkibda maydonga tushdi va ikkita golli uzatmani amalga oshirdi.
«Bu hafsala pir bo‘lishini so‘z bilan ifodalab berish qiyin, biz bundan ancha kattaroq natijalarni orzu qilgan edik. Har bir qadamda biz bilan birga bo‘lganingiz uchun barchaga rahmat. O‘zimning ilk Jahon chempionatimda vatanim sharafini himoya qilganimdan faxrlanaman», — deb yozdi Gravenberx o‘z ijtimoiy tarmoqdagi sahifasida.
JCH-2026 musobaqasi 11 iyundan 19 iyulga qadar Kanada, AQSH va Meksikada bo‘lib o‘tmoqda. Argentina terma jamoasi amaldagi chempion hisoblanadi.
