2026 yilgi Jahon chempionati guruh bosqichining navbatdagi o‘yinlari yakunlanganidan so‘ng, Norvegiya terma jamoasining 1/16 finaldagi raqibi aniq bo‘ldi. Jamoa Kot-d’Ivuar terma jamoasiga qarshi bahs olib boradi.
Uchrashuv 30 iyun, seshanba kuni bo‘lib o‘tadi. O‘yin Toshkent vaqti bilan soat 22:00 da boshlanadi.
Norvegiya terma jamoasi Fransiya, Senegal va Iroq terma jamoalari ham joy olgan «I» guruhida ikkinchi o‘rinni egallab, pley-offga yo‘l oldi. Norvegiyaliklar olti ochko jamg‘arishdi.
Kot-d’Ivuar esa, o‘z navbatida, Germaniya, Ekvador va Kyurasao terma jamoalari raqiblik qilgan «E» guruhida ikkinchi o‘rinni egalladi. Afrika jamoasi 6 ochko to‘plab, pley-off bosqichiga ishonchli tarzda yo‘l oldi.
