Ispaniya terma jamoasi JCH-2026 guruh bosqichi uchinchi turidan o‘rin olgan uchrashuvda Urugvayni minimal hisobda mag‘lub etdi.
Uchrashuv taqdirini 42-daqiqada Markos Lyorentening uzatmasidan keyin Aleks Baena tomonidan kiritilgan gol hal qildi. Aynan gol muallifi FIFA tomonidan o‘yinning eng yaxshi futbolchisi sovriniga loyiq ko‘rildi. «Atletiko»ning hujumkor yarim himoyachisi 66-daqiqagacha maydonda harakat qildi, shundan so‘ng almashtirildi.
Ispaniya yetti ochko jamg‘arib, «H» guruhida birinchi bo‘lib marraga yetib keldi. Kabo-Verde uch ochko bilan keyingi bosqichga yo‘l oldi, Urugvay va Saudiya Arabistoni (ikki ochkodan) esa turnirdagi ishtiroklarini yakunlashdi.
1/16 finalda «qizil furiya» Avstriya yoki Jazoirga qarshi maydonga tushadi.
