Braziliya terma jamoasi hujumchisi Neymar Jahon chempionatlarida noyob natija muallifiga aylandi.
Opta statistika portalining bergan ma’lumotlariga ko‘ra, 2014 yilgi Jahon chempionatidagi debyutidan buyon Neymar raqiblar tinchini boshqa har qanday futbolchidan ko‘ra ko‘proq buzgan. Ushbu davr mobaynida unga nisbatan 61 marta fol ishlatilgan — bu Jahon chempionatlarida to‘p surgan barcha futbolchilar orasidagi eng yuqori ko‘rsatkichdir.
Bundan tashqari, braziliyalik futbolchiga qarshi qoida buzilganidan so‘ng hakamlar raqiblarga 13 ta sariq va qizil kartochka ko‘rsatishgan — bu ham qayd etilgan davr mobaynida turnirning mutlaq rekordi hisoblanadi.
Eslatib o‘tamiz, Neymar JCH-2026 turniridagi debyutini guruh bosqichi doirasidagi Shotlandiyaga qarshi uchrashuvda (3:0) nishonladi. U jarohatidan sog‘ayib, 76-daqiqada zaxiradan maydonga tushdi. Bu o‘yin u uchun 2022 yildan beri dunyo birinchiliklaridagi birinchi uchrashuv bo‘ldi.
