Ispaniya terma jamoasi hujumchisi Mikel Oyarsabal Ispaniya terma jamoasi tarixidagi eng yaxshi to‘purarlar ro‘yxatida yettinchi o‘ringa ko‘tarilib oldi. Mikel JCH-2026 guruh bosqichi 2-turi doirasidagi Saudiya Arabistoniga qarshi o‘yinda (4:0) dubl qayd etib, bitta golli uzatmani amalga oshirdi va reyting o‘rnini yaxshilab oldi.
Endi uning hisobida 55 ta o‘yinda urilgan 27 ta gol mavjud. Ushbu ko‘rsatkich bo‘yicha u Emilio Butragenyoni (26 ta) ortda qoldirdi va Fernando Moryentesga (27 ta) yetib oldi. Hujumchining navbatdagi maqsadi — Fernando Yerroning natijasi (29 ta gol).
Ushbu reytingdagi faoliyat yuritayotgan eng yaxshi futbolchi hali ham 37 ta gol bilan Alvaro Morata hisoblanadi (umumiy ro‘yxatda to‘rtinchi). Oyarsabalni hozircha faqat Ferran Torres ta’qib qilmoqda, biroq u saudiyaliklarga qarshi o‘yinda gol ura olmadi. Uning hisobida hozircha 24 ta gol bor. Rekordchi esa hamon 59 ta gol bilan David Vilya hisoblanadi. Undan keyingi o‘rinlarda Raul (44 ta) va Fernando Torres (38 ta) bormoqda.
