Erve Renar katta ehtimol bilan Tunis terma jamoasi bosh murabbiyiga aylanadi.
Mamlakat futbol federasiyasi 57 yoshli fransiyalik mutaxassisga muayyan kafolatlar, jumladan, JCH-2026 yakunlanganidan keyingi davr uchun ham va’dalar bergan.
Jahon chempionatining 1-turida Tunis Shvesiyadan yirik hisobda (1:5) mag‘lubiyatga uchradi, shundan so‘ng Sabri Lyamushining afrikaliklar murabbiyligidan iste’foga chiqishi kutilayotgani haqida xabarlar paydo bo‘ldi.
Renarning oxirgi ish joyi Saudiya Arabistoni terma jamoasi bo‘lib, u yerni 2024 yildan 2026 yilning apreligacha boshqargan edi. Bundan avval u Marokash, Kot-d’Ivuar, Zambiya terma jamoalarini, «Lill» va «Sosho» klublarini, shuningdek, Fransiya ayollar terma jamoasini boshqargan.
