Italiya futbol federasiyasi (FIGC) prezidenti Jovanni Malago Andrea Pirloni milliy terma jamoa bosh murabbiyligiga tayinlash jarayonini vaqtincha to‘xtatib qo‘ydi. Bu haqda jurnalist Janluka Di Marsio sayti xabar bermoqda.
Manbaning ma’lumotlariga ko‘ra, Pirloning tayinlovi bo‘yicha 27 iyul kuniga belgilangan barcha uchrashuvlar o‘tkazilmaydi, ertalab Federasiya ishtirokida yakunlanishi kerak bo‘lgan tashkiliy jarayon esa to‘xtab qolgan.
Oldinroq 47 yoshli mutaxassis jamoani boshqarishga rozi bo‘lgani va yaqin kunlarda shartnoma imzolanishi kutilayotgani haqida xabar berilgan edi. Ammo uning Rossiyadagi biznes aloqalari sababli nomzodi bo‘yicha yangi savollar paydo bo‘ldi. Pirloning o‘zi bergan bayonotida siyosatga hech qanday aloqasi yo‘qligini ta’kidlab, bu faqat ishchi munosabatlar ekanini bildirgan.
May oyining oxirida Pirlo Moskvada bukmekerlik kompaniyasi tomonidan tashkil etilgan reklama tadbirida qatnashgan edi. Mutaxassis ushbu tashkilot bilan rasman hamkorlik qiladi. Italiya terma jamoasidagi lavozimga rasman kirishgach, ushbu kelishuv avtomatik ravishda bekor qilinishi kerak edi, biroq FIGC vaziyatni qo‘shimcha ravishda o‘rganib chiqishga qaror qildi.
