"Manchester Yunayted" vingeri Markus Reshford — "Tottenxem"ning transfer maqsadlaridan biri bo‘lib turibdi.
28 yoshli futbolchining "qizil iblislar" bilan amaldagi shartnomasiga ko‘ra oladigan haftalik maoshi 300 ming funtdan oshadi, biroq "shporlar" ingliz futbolchisiga xuddi shunday shartlarni taklif qilishga tayyor, deb xabar bermoqda Transfer News Live TEAMtalk nashriga tayangan holda. Bu londonliklarga o‘yinchi uchun kurashayotgan boshqa da’vogarlar bilan bahsda jiddiy ustunlik berishi mumkin.
Eslatib o‘tamiz, o‘tgan mavsumda Markus Reshford ijara asosida "Barselona"da to‘p surgan edi, biroq kataloniyaliklar "Yunayted" tarbiyalanuvchisini 30 million yevro evaziga sotib olish huquqidan foydalanmaslikka qaror qilishdi.
