«Atletiko» futbolchisi Pablo Barrios yana safdan chiqdi. AS nashrining ta’kidlashicha, yarim himoyachi mashg‘ulot paytida jarohat olgan.
Barrios mashg‘ulot jarayonida mushaklarida og‘riq his qilgan. O‘tgan oyda xavbek Ispaniya Kubogi doirasidagi «Betis»ga qarshi uchrashuvda ham jarohat olgan edi.
Joriy mavsumda Barrios La Ligada 21 ta o‘yinda maydonga tushib, 1 ta gol va 1 ta golli uzatmani amalga oshirdi. Uning «Atletiko» bilan shartnomasi 2028 yilning yozida yakuniga yetadi.
