Braziliya terma jamoasi afsonasi Kafu milliy jamoaning JCH-2026 turniridan chiqib ketganiga munosabat bildirdi.
Turnirning 1/8 finalida braziliyaliklar Norvegiyaga 1:2 hisobida imkoniyatni boy berishdi.
«Afsuski, natija biz kutgandek bo‘lmadi. Braziliya — doimo hurmat qilinadigan jamoa, biz jahon chempionlarimiz, ammo bu turnirda buyuklik ko‘rsata olmadik — bu fakt. Terma jamoa biz umid qilgandan ko‘ra yomonroq ishtirok etdi. Lekin men doim aytaman: davrlar boshlanadi, davrlar tugaydi va Braziliya terma jamoasining 2030 yilgi jahon chempionatiga tayyorgarlik sikli aynan hozirdan boshlanadi», — deya Kafuning so‘zlaridan iqtibos keltiradi Daily Mail.
U, shuningdek, milliy terma jamoadagi faoliyatidagi so‘nggi o‘yinini o‘tkazgan Neymarga hurmat bajo keltirdi.
«Ulkan yulduzlar, sportda va hayotda muvaffaqiyatga erishgan insonlar kun kelib ketishadi. O‘g‘illar ota, otalar bobo, bobolar esa katta bobo bo‘lishadi... Avlodlar almashinuvi shunday. Neymar futbolda buyuk meros qoldirmoqda. U katta futbolchi sifatida ketmoqda va biz uni sog‘inib qolamiz», — deb qo‘shimcha qildi Kafu.
