Fransiya terma jamoasi sardori Kilian Mbappe Jahon chempionati–2026 1/16 finalida Shvesiya ustidan qozonilgan 3:0 hisobidagi g‘alabadan keyin o‘z fikrlari bilan o‘rtoqlashdi. Mazkur uchrashuvda hujumchi dubl muallifi bo‘ldi.
«Men nima uchun o‘ynayotganimni, qayerdaligimni va zimmamda qanday mas’uliyat borligini yaxshi tushunaman. Jamoa ham bu yerdagi vazifalarini aniq biladi. Endi yangi bosqich boshlanmoqda. Bugun ishonchli o‘ynadik, garchi o‘yin boshlanishi qiyin kechgan bo‘lsa ham. Keyinroq o‘z o‘yinimizni topdik va gol bilan yakunlanishi mumkin bo‘lgan ko‘plab vaziyatlar yaratdik. Mening vazifam — kiyinish xonasidagi muhitni nazorat qilib turish», — dedi Mbappe.
Fransiya terma jamoasi ushbu g‘alaba orqali Jahon chempionati 1/8 finaliga yo‘l oldi. Fransuzlar keyingi bosqichda Paragvay terma jamoasiga qarshi maydonga tushadi.
