O‘zbekiston milliy terma jamoasi sobiq futbolchisi Vitaliy Denisov Jahon chempionati — 2026 guruh bosqichi doirasida Kongo DRga qarshi bo‘lib o‘tadigan bo‘lajak uchrashuvda vakillarimizning imkoniyatlari qanday ekanligi haqida fikr bildirdi.
«Asosiy vazifa — ushbu o‘yinda g‘alaba qozonish. Eng yaxshi fazilatlarimizni ko‘rsatishimiz kerak. O‘zbekistonning Kongo DR bilan bahsda g‘alaba qozonish uchun imkoniyatlari yaxshi. Jamoa oxirigacha kurashadi», — deya Denisovning so‘zlarini Metaratings.ru nashri yetkazmoqda.
O‘zbekiston va Kongo DR terma jamoalari o‘rtasidagi uchrashuv yakshanba kuni, 28 iyun kuni bo‘lib o‘tadi. Start hushtagi Toshkent vaqti bilan soat 04:30 ga rejalashtirilgan.
