«Chelsi» klubi yarim himoyachi Enso Fernandesning «Real»ga o‘tishi ehtimoli tufayli uning o‘rniga munosib o‘rinbosar izlash bo‘yicha keng ko‘lamli ishlarni boshladi. Bu haqda «TEAMtalk» nashri xabar bermoqda.
Manbaning xabariga ko‘ra, londonliklarning transfer maqsadlari qatoridan quyidagi futbolchilar joy olgan: Adam Uorton («Kristal Pelas»), Manu Kone («Roma»), Lamin Kamara («Monako»), Viktor Froxoldt («Portu»), Kaleb Yirenki («Norshellann»).
Bundan tashqari, London klubi tarkibni tajribali futbolchilar bilan ham kuchaytirish imkoniyatini ko‘rib chiqmoqda. Shu sababli, klub ichida «Pari Sen-Jermen»ning 30 yoshli yarim himoyachisi Fabian Ruis nomzodi ham faol muhokama qilinmoqda.
