Angliya terma jamoasi yarim himoyachisi Deklan Rays JCH-2026 guruh bosqichining uchinchi turi doirasida Panamaga qarshi bo‘lib o‘tadigan o‘yin oldidan jamoaviy mashg‘ulotni o‘tkazib yubordi. "Arsenal" futbolchisi Ganaga qarshi kechgan va 0:0 hisobida yakunlangan avvalgi bahsda boldir mushagidan jarohat olgan edi. Jurnalist Sami Mokbelning yangilangan ma’lumotlariga ko‘ra, payshanba kuni 27 yoshli xavbek umumiy guruhda to‘liq hajmda shug‘ullanmagan.
Angliya terma jamoasi ixtiyoridagilar hamon xotirjamlikni saqlab turishibdi — Raysning muammosi jiddiy deb hisoblanmayapti. Shunga qaramay, "uch sherar" bosh murabbiyi Tomas Tuxel avvalroq taxmin qilinganidek, Panama bilan uchrashuvda futbolchiga dam berishi to‘liq mumkin.
Angliya — Panama uchrashuvi 28 iyun kuni bo‘lib o‘tadi. Ayni paytda inglizlar to‘rt ochko bilan o‘z kvartetida peshqadamlik qilmoqda.
