Jahon chempionati — 2026 musobaqasida Meksika terma jamoasining Chexiya ustidan qozongan g‘alabasini (3:0) nishonlash Meksikaning Kabo-San-Lukas shahrida muxlislarni ommaviy ravishda mashina urib yuborishi bilan yakunlandi.
TV Azteca nashri xabar berishicha, hodisa oqibatida 17 kishi jarohatlangan. Dastlabki ma’lumotlarga ko‘ra, o‘yin tugaganidan so‘ng o‘nlab muxlislar milliy terma jamoaning muvaffaqiyatini nishonlashayotgan bo‘lgan. Shu payt bir guruh odamlar avtomobilni o‘rab olib, uni tebrata boshlashgan. Haydovchi esa to‘satdan gaz pedalini bosib yuborgan va bir necha kishini urib ketgan. Barcha jarohatlanganlar shifoxonalarga yetkazilgan.
Mahalliy hokimiyat organlarining ma’lumotiga ko‘ra, hodisa oqibatida halok bo‘lganlar yo‘q. Ayni damda voqea tafsilotlari o‘rganilmoqda.
