JCH-2026 guruh bosqichining ikkinchi turidan o‘rin olgan Portugaliya — O‘zbekiston bahsi turning eng ko‘p tomoshabin tashrif buyurgan o‘yinlari ro‘yxatidan joy oldi.
Xyuston shahridagi NRG Stadium arenasida bo‘lib o‘tgan uchrashuvni 68 777 nafar muxlis stadiondan turib kuzatdi. Bu ko‘rsatkich mazkur bahsga ikkinchi turning eng ko‘p tomoshabin yig‘gan o‘yinlari reytingida yettinchi o‘rinni taqdim etdi.
Turning eng ko‘p muxlis yig‘gan bahsi Norvegiya — Senegal uchrashuvi bo‘lib, uni 80 663 nafar tomoshabin kuzatgan. Keyingi o‘rinlardan Argentina — Avstriya (70 649) hamda Belgiya — Eron (70 317) bahslari joy oldi.
Norvegiya — Senegal — 80 663
Argentina — Avstriya — 70 649
Belgiya — Eron — 70 317
Shveysariya — Bosniya va Gersegovina — 70 026
Turkiya — Paragvay — 68 827
Niderlandiya — Shvesiya — 68 777
Portugaliya — O‘zbekiston — 68 777
Ekvador — Kyurasao — 68 598
Iordaniya — Jazoir — 68 371
Braziliya — Gaiti — 68 324
Eslatib o‘tamiz, Portugaliya — O‘zbekiston uchrashuvi Yevropa jamoasining 5:0 hisobidagi g‘alabasi bilan yakunlangan edi. Gollarga Krishtianu Ronaldu (dubl), Nuno Mendesh va Rafael Leau mualliflik qildi. Yana bir gol esa O‘zbekiston darvozaboni Abduvohid Ne’matovning avtogoli sifatida qayd etildi.
