Braziliya terma jamoasi bosh murabbiyi Karlo Anchelotti jamoa hujumchisi Neymar JCH-2026 guruh bosqichi 3-turidan o‘rin olgan Shotlandiyaga qarshi bahsda ishtirok etishi mumkinligini tasdiqladi.
Uchrashuv 25 iyun kuni bo‘lib o‘tadi va Toshkent vaqti bilan soat 03:00 da start oladi.
«Neymar o‘ynashi mumkin. U mashg‘ulotlarda ajoyib ishlamoqda va bahsga tayyor. Men undan juda mamnunman», — dedi Anchelotti. Uning so‘zlarini jurnalist Fabrisio Romano X ijtimoiy tarmog‘ida keltirdi.
Eslatib o‘tamiz, Neymar 17 may kuni «Santos» safidagi uchrashuvda o‘ng oyoq boldir mushagidan jarohat olgani sababli JCH-2026 dagi dastlabki ikki o‘yinni o‘tkazib yuborgan edi.
