Sky Sports ma’lumotlariga ko‘ra, Germaniya futbol ittifoqi (DFB) tomonidan terma jamoa oldiga qo‘yilgan ichki maqsad — chorak finalga qadar yetib borish. Agar nemis jamoasi musobaqaning eng kuchli sakkizta jamoasi qatoriga kirsa, ularning ishtiroki muvaffaqiyatli deb baholanadi.
Agar jamoa yarim finalga chiqishga muvaffaq bo‘lsa, bu katta muvaffaqiyat sifatida qabul qilinadi (Germaniya 2014 yilgi Jahon chempionatidan buyon katta turnirlarda yarim finalga chiqa olmagan).
Eslatib o‘tamiz, Germaniya terma jamoasi JCH-2026 guruh bosqichida Ekvador, Kyurasao va Kot-d’Ivuar terma jamoalari bilan bir guruhdan joy olgan. Germaniyalik futbolchilar o‘zlarining birinchi uchrashuvini bugun, 14 iyun kuni o‘tkazadilar.
