«PSJ» rahbariyati jamoaning rossiyalik darvozaboni Matvey Safonovning o‘yinidan qoniqish hosil qilmoqda. Shu sababli Parij klubi qishki transferlar oynasida yangi golkiper xarid qilishni rejalashtirmayapti.
Jurnalist Olivye Tallaronning ma’lum qilishicha, «PSJ» rahbariyati Safonovga ishonch bildirishda davom etadi va unga o‘rinbosar izlash niyatida emas.
Rossiyalik darvozabon o‘tgan qishda Lyuka Shevalye bilan raqobatda ustun kelib, parijliklarning asosiy golkiperiga aylangandi. 2026 yil yanvar oyidan buyon Shevalye jamoa tarkibida deyarli maydonga tushmayapti.
Shu bilan birga, Safonovning joriy mavsumdagi statistikasini ideal deb bo‘lmaydi. U barcha musobaqalar doirasida 12 ta uchrashuvda ishtirok etib, o‘z darvozasidan 16 ta gol o‘tkazib yuborgan. Rossiyalik futbolchi o‘z darvozasi daxlsizligini saqlab qolgan o‘yinlar soni ham ko‘p emas.
Shunga qaramay, «PSJ» mavsumni muvaffaqiyatli davom ettirmoqda. Parijliklar Chempionlar ligasining dastlabki uch turida barcha uchrashuvlarda g‘alaba qozonib, 9 ochko jamg‘argan.
Fransiya chempionatida esa «PSJ» qo‘shimcha ko‘rsatkichlar bo‘yicha «Lion»dan ortda qolgan holda ikkinchi o‘rinni egallab turibdi.
