Madridning "Real" klubi darvozaboni Tibo Kurtua Belgiya terma jamoasi futbolchilarining umumiy chatidan chiqarib yuborilganini ma’lum qildi.
Belgiyalik golkiperning aytishicha, u milliy jamoaga qaytishni rejalashtirmayapti va mazkur vaziyatdan hech qanday norozilik bildirmayapti.
"Meni boshqa futbolchilar muloqot qiladigan umumiy chatdan chiqarib yuborishdi. U yerda mashg‘ulotlar va oldinda turgan tadbirlar haqida ma’lumotlar tarqatiladi.
Bu holat meni mutlaqo tashvishlantirmaydi. Men hech qachon Belgiya terma jamoasining asosiy tarkibidan joy olishim avtomatik ravishda kafolatlangan, deb hisoblamaganman", — deya Kurtuaning so‘zlarini keltiradi derbyderbyderby.it nashri.
Eslatib o‘tamiz, Tibo Kurtua ayni paytda Madridning "Real" klubi sharafini himoya qilmoqda.
Belgiyalik darvozabon faoliyati davomida Ispaniya poytaxtining yana bir klubi — "Atletiko" tarkibida ham to‘p surgan.
