Argentina terma jamoasining sobiq hujumchisi Lionel Messi 2026 yilgi jahon chempionati finalida Ispaniyaga qarshi o‘yinda qo‘shimcha vaqtda qabul qilib olingan 0:1 hisobidagi mag‘lubiyat haqida o‘z fikrlarini bildirdi.
«Futbolda g‘alaba qozonish juda qiyin. Shuning uchun faqat natijani emas, balki unga erishish yo‘lidagi jarayonni ham qadrlash kerak. Chunki yakunda faqat bitta jamoa g‘olib bo‘ladi.
Biz Ispaniyaga qarshi finalda ham, 2014 yilda Braziliyada bo‘lib o‘tgan jahon chempionatining Germaniyaga qarshi hal qiluvchi o‘yinida ham shunday vaziyatni boshdan kechirganmiz.
Aynan shu sababli raqobatbardosh bo‘lish va g‘alaba uchun qo‘lingdan kelgan barcha ishni qilish muhim. Hatto yakunda g‘alaba qozona olmasang ham, bu harakatlaring behuda ketganini anglatmaydi.
Eng muhimi, so‘nggi daqiqalargacha kurashish va natijadan qat’i nazar, maydonda bor kuchingni berganingdan qoniqish hosil qilishdir», — dedi Messi.
Eslatib o‘tamiz, ayni paytda «Inter Mayami» sharafini himoya qilayotgan argentinalik yulduz 6 oktyabr kuni milliy terma jamoa safidagi xayrlashuv uchrashuvini o‘tkazgan edi.
