Madridning "Real" klubi shu yozda "Manchester Yunayted" qanot himoyachisi Diogu Dalotni sotib olishni rejalashtirmoqda. "Qaymoqranglilar" portugaliyalik futbolchini himoya chizig‘ini mustahkamlash uchun asosiy nomzodlardan biri sifatida ko‘rishmoqda.
Hozirda Dalot taxminan 26 million funt sterlingga baholanmoqda. Biroq "Manchester Yunayted" rahbariyati o‘z futbolchisi uchun bundan ancha yuqoriroq mablag‘ talab qilishi kutilmoqda. Ingliz klubi Dalotni jamoaning muhim bo‘lagi deb hisoblaydi va uni osonlikcha qo‘yib yubormoqchi emas.
Agar Madrid klubi o‘ziga kerakli futbolchi uchun transfer summasini oshirsa, Dalot yozda "Santyago Bernabeu"ga ko‘chib o‘tishi mumkin. Bu transfer "Real" uchun himoyaning o‘ng qanotida raqobatni kuchaytirishga xizmat qiladi.
