Angliya klubi Bundesligadan ikkita transferni tezkorlik bilan hal qilishni rejalashtirmoqda va Bazumana Ture hamda Yoxan Manzambi transferlari ustida faol ish olib bormoqda.
Gordonning o'rniga asosiy nomzod sifatida "Xoffenxaym" va Kot-d'Ivuar terma jamoasining 20 yoshli vingeri Bazumana Ture ko'rib chiqilmoqda. Ivuarlik futbolchi Germaniyadagi o'zining birinchi to'liq mavsumida 5 ta gol urdi va 12 ta golli uzatmani amalga oshirdi. Turedan tashqari, "hakkalar" rahbariyati "Frayburg" va Shveytsariya terma jamoasining 20 yoshli yarim himoyachisi Yoxan Manzambi bo'yicha ham muzokaralarda oldinga siljishga erishdi. Shveytsariyalik futbolchi 47 ta o'yinda ishtirok etib, 7 ta gol urdi va 9 ta natijali uzatmani o'z hisobiga yozdirib qo'ydi.
