Jahon chempionati–2026 1/16 finali doirasida Fransiya va Shvesiya terma jamoalari o‘rtasidagi uchrashuv yakunlandi. AQSHning Ist-Raterford shahridagi «Metlayf» stadionida bo‘lib o‘tgan bahsda fransuzlar 3:0 hisobida ishonchli g‘alaba qozondi.
Fransiya terma jamoasi safida Kilian Mbappe dubl muallifiga aylangan bo‘lsa, yana bir golni Bredli Barkola kiritdi.
Shu tariqa, Fransiya terma jamoasi Jahon chempionati 1/8 finaliga yo‘llanma oldi. Fransuzlar ushbu bosqichda 5 iyul kuni Paragvay terma jamoasiga qarshi maydonga tushadi.
JCH-2026. 1/16 final
1 iyul, 2026 yil, chorshanba
Fransiya — Shvesiya — 3:0
Gollar: Mbappe, 45 (1:0), Barkola, 53 (2:0), Mbappe, 74 (3:0).
