Neymar 2023 yildan beri Braziliya terma jamoasi safidagi ilk o‘yinidan keyingi hissiyotlari bilan o‘rtoqlashdi.
Bosh murabbiy Karlo Anchelotti 34 yoshli futbolchini JCH-2026 guruh bosqichi uchinchi turidan o‘rin olgan Shotlandiyaga qarshi bahsning ikkinchi bo‘limida, braziliyaliklar 3:0 hisobida oldinda borayotgan vaqtda zaxiradan maydonga tushirdi. Bu Neymar uchun nafaqat joriy mundialdagi ilk o‘yin, balki deyarli uch yil ichida milliy terma jamoa libosida maydonda ilk bor ko‘rinish berishi bo‘ldi.
"Ha, men kiyinish xonasida yig‘ladim. O‘z vatanimga yordam bera olayotganim uchun Xudoga shukr aytaman. Men juda baxtliman", — deya Neymarning so‘zlarini The Touchline nashri keltirmoqda.
Braziliya terma jamoasi yetti ochko jamg‘argan holda guruhda birinchi o‘rinni egalladi.
