- Bugun "Navbahor" g'alabasi uchun nima etishmadi?
- G'alaba qozonmoqchi edik. Bunday o'yinda yarimta vaziyatdan ham bitta gol urib olishimiz kerak edi. Lekin imkoniyatlardan foydalana olmadik. Gol urganimizda ochiqroq va osonroq o'yin bo'lardi. "Buxoro" ko'p himoyalanib, qarshi hujumlarga o'tishini bilardik. Bizga imkoniyatlardan foydalana olish etishmadi.
- "Dinamo"ga qarshi o'yinda "Navbahor" ikkinchi raqamli bo'lib o'ynab, natijaga erishgandi. Bugun jamoa birinchi raqamli bo'lib o'ynashi, zararga ishladi, deyishimiz mumkinmi?
- "Dinamo" bilan ochiqroq o'yin bo'ldi. Ko'proq futbol o'ynaldi. Bu erda 10 kishilik himoyaga qarshi o'ynash qiyin bo'ladi. Agarda birgina imkoniyatimizdan foydalanganimizda, o'yin boshqacha bo'lardi.
- O'tgan mavsumda oldinroqda harakat qilib, gollar urayotgandingiz. Ushbu mavsumda esa orqaroqda o'ynayapsiz. Bu Temur Kapadzening qaroringizmi yoki Sizga qulayroq joymi?
- Murabbiy qaysi joyda jamoa uchun foydali ekanligimni aytsa, o'sha erda o'ynayapman.
- Kelasi turda "Navbahor" "Paxtakor"ga qarshi o'ynaydi.
- Bu o'yinni unutib, navbatdagi bahsga tayyorgarlik ko'ramiz. Unda muxlislarni xursand qilishga harakat qilamiz.
