Uchinchi urinish va Peresning maqsadi:
Italiyaning nufuzli "Corriere dello Sport" nashri xabariga ko'ra, shu yilning yozida "Madrid" tajribali murabbiyni qo'lga kiritish uchun uchinchi bor urinib ko'rishi mumkin. Ispaniya grandi Allegrining faoliyatini doimo yuqori baholab kelgan va 2019 hamda 2021 yillarda uni o'z safiga qo'shib olishga juda yaqin kelgan edi.
"Qirollik klubi" prezidenti Florentino Peres ayni paytda etiborni aynan sinovdan o'tgan, tajribali va sovrindor mutaxassisga qaratmoqchi.
Allegrining poziciyasi qanday?
Biroq Massimilianoni ko'chirib o'tkazish oson bo'lmaydi. Uning "Milan" bilan amaldagi shartnomasi 2027 yilning 30 iyuniga qadar mo'ljallangan. Manbaning takidlashicha, toskanalik murabbiy "Milan"dagi faoliyatidan to'liq zavq olmoqda va jamoaga qaytganidan juda mamnun. Allegriga shahar va muhit yoqadi, u o'zini klubda juda qulay his qilmoqda.
Eslatib o'tamiz, Karlo Anchelotti ketganidan so'ng hozirda "Real"ni vaqtinchalik Alvaro Arbeloa boshqarib bormoqda.
