Samvel Babayanga jarima tortildi
27 fevral kuni bo'lib o'tgan "Andijon" — "So'g'diyona" uchrashuvining 44-daqiqasida andijonliklar bosh murabbiyi Samvel Babayan maydon chetida raqib futbolchisining to'p bilan harakatlanishiga ataylab xalaqit bergani aniqlandi. Shu sababli, qo'mita Tartib-intizom kodeksining 61-moddasiga asosan mutaxassisga nisbatan jarima intizomiy jazo chorasini qo'lladi.
"Bunyodkor"ga jiddiy ogohlantirish berildi
1 mart sanasidagi OKMK — "Bunyodkor" bahsida toshkentliklar futbolchisi Dmitriy Pletnyov hakam qaroriga norozilik bildirgani uchun sariq kartochka bilan ogohlantirilgan edi. Ushbu holat bo'yicha hakamning bildirgisi ko'rib chiqildi va Superliga Reglamentining 15.37-bandiga muvofiq, "Bunyodkor" klubiga ogohlantirish intizomiy jazo chorasi belgilandi.
Endilikda reglamentning mazkur bandiga ko'ra, mavsumning qolgan qismida "Bunyodkor" futbolchilari tomonidan simulyaciya, vaqtni cho'zish yoki hakam qaroriga etiroz sababli sariq kartochka olinsa, ularga nisbatan to'g'ridan-to'g'ri jarima intizomiy jazo chorasi qo'llaniladi.
