Londonning «Tottenxem» klubi hujumchisi Dominik Solanke jamoa rahbariyati tarkibni kuchaytirishni rejalashtirayotganiga qaramay, klubni tark etish niyatida emas. Bu haqda Football Insider nashri xabar bermoqda.
Manba ma’lumotiga ko‘ra, 29 yoshli angliyalik futbolchi «Tottenxem»da qolish va asosiy tarkibdan joy olish uchun kurashishga qat’iy qaror qilgan.
London klubi yanvar oyida yangi hujumchi sotib olishni rejalashtirmoqda. Biroq bu qaror Solankening o‘rniga boshqa futbolchi olib kelishni emas, balki hujum chizig‘ida raqobatni kuchaytirishni nazarda tutadi.
Eslatib o‘tamiz, «Tottenxem» 2024 yilda Dominik Solankening transferi uchun «Bornmut»ga 65 million yevro to‘lagan edi.
Angliyalik hujumchi joriy mavsumda barcha musobaqalar doirasida 8 ta uchrashuvda maydonga tushib, 2 ta gol urdi.
Solankening «Tottenxem» bilan amaldagi shartnomasi 2030 yilga qadar mo‘ljallangan.
