«Barselona» Ispaniya chempionatining navbatdagi turida «Xetafe»ga qarshi o‘z maydonida o‘tkaziladigan uchrashuvga tayyorgarlik ko‘rmoqda. La Liganing sakkizinchi turidan o‘rin olgan bahs shanba kuni Toshent vaqti bilan soat 21:30 da boshlanadi.
Sport nashri ma’lumotlariga ko‘ra, «ko‘k-anorranglilar» bosh murabbiyi Xans-Diter Flik Karim Adeyemini asosiy tarkibda maydonga tushirishni rejalashtirmoqda. 24 yoshli futbolchi jamoadoshlarining aksariyatiga qaraganda yaxshiroq jismoniy holatda, chunki u Germaniya terma jamoasining Millatlar ligasi doirasida Serbiya va Gresiyaga qarshi o‘tkazgan so‘nggi ikki uchrashuvini o‘tkazib yuborgan.
Karim Adeyemi o‘tgan yozda Dortmundning «Borussiya» klubidan «Barselona»ga o‘tgan edi. U kataloniyaliklar safidagi sakkizta o‘yinda uchta gol va uchta golli uzatmani amalga oshirdi. Biroq futbolchi asosiy tarkibda atigi uch marta maydonga tushgan.
