Hujumchi Markus Reshfordning "Manchester Yunayted"dan doimiy asosda "Barselona"ga o‘tishi mumkinligi borasida yangi ma’lumotlar paydo bo‘ldi.
Mundo Deportivo xabariga ko‘ra, "ko‘k-anorranglilar" hozircha Reshford bo‘yicha yakuniy qaror qabul qilishmagan. Ta’kidlanishicha, gap futbolchini 30 million yevroga sotib olish summasida emas, balki uning maoshida. Vingerning maoshi "Barselona" bir necha yildan beri muammolarga duch kelayotgan ish haqi jamg‘armasiga sezilarli ta’sir ko‘rsatadi. Shu sababli kataloniyaliklar Reshford mavsumni qanday holatda yakunlashini kuzatmoqchi.
"Barselona" Reshfordni yozgi transfer oynasida "Manchester Yunayted"dan ijaraga olgan edi. O‘shandan beri 28 yoshli hujumchi barcha turnirlarda 38 ta uchrashuvda maydonga tushib, 10 ta gol urdi va 13 ta golli uzatmani amalga oshirdi.
