«Real» yarim himoyachisi Eduardo Kamavinga «Manchester Siti»ga o‘tishi mumkin. Bu haqda «Topskills Sports UK» xabar bermoqda.
Manbaning ma’lumotlariga ko‘ra, fransuz futbolchisini sotib olishga «Manchester Siti» bosh murabbiyi Xosep Gvardiola shaxsan qiziqish bildirgan va ushbu transferni ma’qullagan. Shuningdek, o‘yinchiga «Al-Ittihod» ham da’vogarlik qilmoqda. Futbolchi Madrid klubining rejalariga kirmayapti.
«Real» Kamavinga uchun Yevropa va Saudiya jamoalariga turlicha narx belgiladi. Yevropa klublari uchun bu summa 80 million yevroni, Saudiya Arabistoni klublari uchun esa 120 million yevroni tashkil etadi.
