Angliya Premyer-ligasining 9-turidan o‘rin olgan «Liverpul» va «Arsenal» jamoalari o‘rtasidagi markaziy uchrashuv yakunlandi. Mehmonlar 1:0 hisobida g‘alaba qozondi.
Uchrashuvdagi yagona gol 16-daqiqada kiritildi. «Arsenal» hujumchisi Kay Xavers Deklan Raysning uzatmasidan keyin raqib darvozasini ishg‘ol etib, jamoasiga g‘alaba keltirdi.
Shu tariqa, «Arsenal» «Liverpul»ning g‘alabali seriyasiga chek qo‘ydi. Ushbu uchrashuvga qadar mersisaydliklar barcha musobaqalarda ketma-ket beshta o‘yinda g‘alaba qozongan edi.
Mazkur g‘alabadan so‘ng «Arsenal» 24 ochko bilan Angliya Premyer-ligasi turnir jadvalida peshqadamga aylandi. «Liverpul» esa 15 ochko bilan 5-o‘rinda bormoqda.
Keyingi turda «Arsenal» 7 noyabr kuni o‘z maydonida «Xall Siti»ni qabul qiladi. «Liverpul» esa 8 noyabr kuni safarda «Kristal Pelas»ga qarshi bahs olib boradi.
Angliya Premyer-ligasi. 9-tur
Liverpul – Arsenal 0:1
Gol: Xavers, 16 (0:1).
