– Bugungi o'yin haqida fikr bildirsangiz?
– Yigitlar yaxshi o'ynashdi, faqatgina omad yetishmadi. Hechqisi yo'q, xatolar ustida ishlaymiz, hech narsa tugamadi. Yana ikkita o'yin bor, o'shanga harakat qilamiz, tayyorgarlik ko'ramiz.
– Tarkibda rotaciyalarga qo'l urdingiz, yoshlar jamoasidan ham futbolchilar jalb etildi.
– Yoshlarga ham vaqt, ham imkoniyat berish kerak, chunki keyingi yilni ham o'ylash kerak. Bizlar asosan yoshlar uchun urg'u beramiz. Yoshlar ham bugun yomon o'ynamadi, menimcha. Ular asta-sekin, vaqt o'tib, yaxshi o'ynab ketishni boshlashadi.
– O'zbek futbolini yorqin vakili Akmal Xolmatov, ikki klubga ham begona emas. "Neftchi" va "Paxtakor"ning Elit Osiyo Chempionlar ligasidagi navbatdagi o'yinlari oldidan qanday fikrdasiz?
– "Paxtakor"ga ham, "Neftchi"ga ham faqat omad tilayman.
– "Yaypan" jamoasida siz qancha muddatga shartnoma imzoladingiz va kelgusidagi rejalaringiz?
– Hozircha qishgacha, keyinchalik agar reja tuzilsa, gaplashib olsak, yana ikki-uch yil qolishim mumkin.
