«Oltin to‘p»ni topshirish tantanali marosimiga bir haftadan ham kam vaqt qoldi. Mukofot o‘z sohibiga 26 oktyabr, dushanba kuni topshiriladi. Marosim Londonda bo‘lib o‘tadi.
Ko‘plab muxlislar «Oltin to‘p» qaysi davr uchun berilishi bilan qiziqmoqda. Mukofotning rasmiy saytida barcha zarur ma’lumotlar keltirilgan. Ovoz berishda hakamlar hay’ati a’zolari futbolchilarning 2025 yil 3 avgustdan 2026 yil 19 iyulgacha bo‘lgan davrdagi o‘yinlarini baholashlari kerak.
Shunday qilib, mukofot 2025/2026 yilgi klub mavsumi, shuningdek, terma jamoalar ishtirokidagi musobaqalar — Afrika millatlar kubogi va jahon chempionatidagi natijalar uchun topshiriladi.
«Oltin to‘p»ning asosiy da’vogarlari qatoriga Хarri Keyn, Lamin Yamal, Lionel Messi, Rodri, Kilian Mbappe va Maykl Olise kiradi.
