«Santos» Braziliya chempionatining 20-turi doirasidagi o‘z maydonidagi o‘yinda «Shapekoense» bilan durang o‘ynadi — 2:2.
Uchrashuvda hisobni 36-daqiqada «Santos» hujumchisi Neymar ochdi. 51-daqiqada «Shapekoense» forvardi Marsinyo muvozanatni tikladi. 62-daqiqada esa «Santos» himoyachisi Joao Ananyas o‘z darvozasini ishg‘ol qilib qo‘ydi. 89-daqiqada Neymar penaltini aniq amalga oshirib, yakuniy hisobni o‘rnatdi.
«Santos» 20 ta o‘yindan so‘ng 22 ochko jamg‘arib, Braziliya chempionati jadvalida 14-o‘rinni egallab turibdi. «Shapekoense» (10 ochko) esa so‘nggi, 20-o‘rinda bormoqda.
