Germaniya terma jamoasi yarim himoyachisi Jamol Musiala 2026 yilgi Jahon chempionatidan chiqib ketganidan so‘ng ijtimoiy tarmoqlar orqali muxlislarga murojaat qildi.
«Biz bu turnirda ancha katta natijalarga erishishni istagandik. Bu, albatta, menga ham tegishli. Oradan bir necha kun o‘tgan bo‘lsa-da, hali ham boshqa narsa haqida o‘ylash yoki bu so‘zlarni yozish men uchun qiyin.
Biz muxlislarimizning qanday qo‘llab-quvvatlaganini ko‘rdik. Har bir stadiondagi muhit ajoyib edi. Xuddi shunday qo‘llab-quvvatlov Germaniyada va dunyoning boshqa joylarida ham bo‘ldi. Eng og‘iri esa — barchangizning ishonchini oqlay olmaganimizni anglash.
Endi kuch to‘plashimiz va bu muvaffaqiyatsizlikdan to‘g‘ri xulosa chiqarishimiz kerak. Ayniqsa, so‘nggi kunlarda bildirilgan qo‘llab-quvvatlash va dalda so‘zlari uchun barchaga katta rahmat», — deb yozdi Musiala o‘zining ijtimoiy tarmoqdagi sahifasida.
