Xorvatiya terma jamoasi yarim himoyachisi Ivan Perishich JCH–2026 1/16 finalidan o‘rin olgan Portugaliyaga qarshi uchrashuvda (1:2) o‘z nomi bilan tarixga kirdi.
Uchrashuvning 53-daqiqasida Perishich hisobni ochdi. U jarima maydonchasi ichida to‘pni qabul qilib, chap oyog‘ida aniq zarba yo‘lladi.
Shu tariqa, Perishich jahon chempionatlari doirasida Xorvatiya terma jamoasi safida yettinchi golini urdi va milliy jamoa rekordini yangiladi. U 1998 yilgi mundialda oltita gol urgan Davor Shukerni ortda qoldirdi.
Perishich ishtirok etgan to‘rtta jahon chempionatining barchasida gol urgan:
- JCH–2014 — 2 gol;
- JCH–2018 — 3 gol;
- JCH–2022 — 1 gol;
- JCH–2026 — 1 gol.
Xorvatiya terma jamoasining jahon chempionatlari tarixidagi eng yaxshi to‘purarlari ro‘yxatida uchinchi o‘rinni beshta gol bilan Mario Manjukich egallab turibdi.
