FIFA 2026 yilgi jahon chempionatida faoliyat olib borayotgan videoassistent (VAR) hakamlaridan birini turnirdan chetlatish haqidagi chaqiriqqa duch keldi.
Associated Press nashrining xabar berishicha, futboldagi irqchilik va kamsitish holatlarini monitoring qilish bilan shug‘ullanuvchi Fare tashkiloti Germaniya — Kyurasao uchrashuvi oldidan yuz bergan vaziyatdan so‘ng FIFAga murojaat qilgan. Translyasiya vaqtida VAR rasmiy shaxslaridan biri, avstraliyalik Shon Evans qo‘li bilan «OK» (hammasi joyida) ishorasini ko‘rsatgan. Fare tashkilotining fikricha, bu harakat o‘ta o‘ng qanot radikal harakatlari vakillari foydalanadigan ramzni eslatishi mumkin.
Tashkilotning bayonot berishicha, ushbu ishora so‘nggi yillarda ayrim radikal doiralarda oq tanlilarning ustunligi g‘oyalari bilan bog‘lanadigan belgiga o‘xshashdir. Shu munosabat bilan, Fare FIFAni Evansni turnirdagi keyingi faoliyatidan chetlatishga chaqirdi.
