Marosim endi 2026 yilning 9 may kuni Ar-Riyod shahrida bo'lib o'tadi. Tadbir UNESCO Butunjahon merosi ro'yxatiga kiritilgan At-Turayf tarixiy hududida o'tkaziladi. Dastlab qur'a tashlash marosimi 11 aprel kuniga rejalashtirilgan edi, biroq barcha ishtirokchi assotsiatsiyalar va hamkorlarning to'liq ishtirokini taminlash maqsadida muddat o'zgartirildi.
Turnir haqida muhim ma'lumotlar:
Ishtirokchilar: Hozirda 24 ta jamoadan 23 tasi ma'lum bo'lib ulgurgan.
So'nggi yo'llanma: Oxirgi ishtirokchi nomi 2026 yil 4 iyun kuni Livan va Yaman o'rtasidagi o'yindan so'ng aniqlanadi.
Savatchalar tarkibi bilan tanishing:
1-savatcha: Saudiya Arabistoni (Mezbon), Yaponiya, Eron, Janubiy Koreya, Avstraliya, O'zbekiston.
2-savatcha: Qatar, Iroq, Iordaniya, BAA, Ummon, Suriya.
3-savatcha: Bahrayn, Tailand, Xitoy, Falastin, Vetnam, Tojikiston.
4-savatcha: Qirg'iziston, Shimoliy Koreya, Indoneziya, Kuvayt, Singapur, Livan yoki Yaman.
Musobaqa muddati: 19-bor o'tkazilayotgan Osiyo Kubogi 2027 yilning 7 yanvaridan 5 fevraliga qadar davom etadi.
Eslatib o'tamiz, Saudiya Arabistoni o'z tarixida ilk bor ushbu nufuzli musobaqaga mezbonlik qilmoqda. Qur'a natijasida Osiyoning eng kuchli jamoalari 6 ta guruhga bo'linadi.
