"Natija kutganimizdan ham yaxshi bo'ldi. "Bernabeu"da futbolchilar o'yindan zavq olganidan xursandman — ular so'nggi davrdagi sinovlardan keyin bunday kechani munosib ravishda qo'lga kiritishdi. Tashqaridan jamoamizning kuchiga nisbatan shubhalar ham eshitildi. Ammo biz — "Real"miz va bizni hech qachon kamsitish mumkin emas.

Biz "Siti"ning o'yin uslubini va Gvardiola taktikasini yaxshi bilamiz, u nimaga intilishini tushunamiz. Biz ular uchun maydonni chekladik va asosiy pas yo'llarini yopdik. Raqiblar sizni oldinga chiqishga majbur qilib, keyin qarshi hujum uyushtirishga harakat qiladi. Biroq sabr bilan harakat qilib, ularning himoyasi ortiga hujumlar tashkil etdik va xavfli vaziyatlar yarata oldik.

Men uchun Valverde — zamonaviy Xuanito. U "Real" futbolchisi qanday o'ynashi kerakligining yorqin namunasi", — dedi Arbeloa.

Malumot uchun, jamoalar o'rtasidagi javob uchrashuvi 17 mart kuni Manchesterdagi "Etixad" stadionida bo'lib o'tadi.