FIFA prezidenti Janni Infantino Parijga tashrif buyurib, u yerda Fransiya prezidenti Emmanuel Makron bilan uchrashdi.
Ushbu uchrashuv AQSH, Kanada va Meksika mezbonlik qiladigan jahon chempionati boshlanishiga uch oy qolganda bo‘lib o‘tdi. Tomonlar futbolning jamiyatdagi roli va bo‘lajak turnir tashkilotchiligini muhokama qilishdi.
«Bu butun dunyoni quvonchli lahzalarda birlashtirish uchun ideal imkoniyatdir», — deb ta’kidladi Infantino JCH-2026 haqida gapirar ekan.
FIFA rahbari tashkilotning Parijdagi ofisiga ham tashrif buyurdi va fransuz vakolatxonasi xodimlari bilan uchrashdi. Parijdagi qarorgoh binosi uzra FIFA bayrog‘i yuksaltirildi.
