Xaverc Angliya Kubogi 3-raundi doirasidagi "Portsmut"ga qarshi o'yinda (4:1) zaxiradan maydonga tushdi.
"Albatta, biz uni juda sog'ingan edik. Futbolda bir yil — bu juda uzoq vaqt, lekin u ajoyib sport formasida va o'ziga bo'lgan yuqori ishonch bilan qaytdi. U shunchalik aqlli futbolchidirki, boshqa sheriklari bilan tezda til topishib ketadi. Jamoadoshlari uni qanchalik yaxshi ko'rishini ko'rish mumkin edi: u jarima maydonchasi atrofida paydo bo'lgan har bir vaziyatda zaxira o'rindig'idagilar xursandchilikdan sakrashardi.
Ha, u safimizga qaytganidan juda xursandmiz. Kay bizga ko'p yordam beradi, endi esa uning yaxshi holatini saqlab qolishimiz kerak", — dedi Arteta klub rasmiy saytiga bergan intervyusida.
