«Beshiktosh» Rafael Leau transferi bo‘yicha eng aniq va manzilli muzokaralarni o‘tkazdi, deb xabar beradi nufuzli jurnalist Sasha Tavolyeri X (sobiq Twitter) tarmog‘ida.
Manba ma’lumotlariga ko‘ra, aynan «Beshiktosh» ayni damda «Milan» vingerining atrofidagi insonlar bilan muzokaralarda hammadan ko‘ra ko‘proq ilgarilagan. «Galatasaroy» tomonidan ham qiziqish mavjud, ammo u ancha kamroq aniqlikka ega.
Shu bilan birga, «Milan» portugaliyalik futbolchini ijaraga qo‘yib yuborish niyatida emas. Agar 26 yoshli futbolchi shu yozda Italiya klubini tark etadigan bo‘lsa, bu faqat to‘liq transfer huquqi bilan amalga oshiriladi. «Rossoneri» rahbariyati boshqa variantlarni ko‘rib chiqmayapti.
O‘tgan klub mavsumida Leau barcha turnirlarda 31 ta o‘yinda maydonga tushib, 10 ta gol va 3 ta golli uzatma bilan ajralib turdi. Futbolchining klub bilan amaldagi mehnat shartnomasi 2028 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati 50 million yevroni tashkil etadi.
