«Milan»ning yangi bosh murabbiyi Ruben Amorim futbolchilari uning ish tamoyillarini tezda o‘zlashtirib olishiga ishonch bildirmoqda.
Portugaliyalik mutaxassis 3-4-2-1 taktik sxemasida o‘ynashni rejalashtirmoqda.
«Biz to‘pni nazorat qilishga harakat qildik. Maydon bo‘ylab yuqori pressing qo‘llaganimiz sababli ayrim qiyinchiliklarga duch keldik.
Hali ko‘p narsani yaxshilashimiz kerak. Jismoniy holatimizni tiklab olamiz va o‘yinni yanada yaxshiroq tushunishni boshlaymiz. Yigitlar berilgan topshiriqni bajarishga harakat qilishdi. Bu oson bo‘lgani yo‘q. Ayrim vaziyatlarda, masalan, gol o‘tkazib yuborganimizda yaxshiroq harakat qilishimiz mumkin edi, lekin ikki haftalik mashg‘ulotlardan so‘ng bu tabiiy hol», — dedi Amorim «Seltik»ga qarshi o‘rtoqlik o‘yinidan (2:2) so‘ng jurnalistlar bilan suhbatda.
