«Bryugge» hujumchisi Nikolo Tresoldi shu yozda klubini o‘zgartirishi mumkin. 21 yoshli futbolchiga «Atletiko» Madrid da’vogarlik qilmoqda, deb yozadi fichajes.net nashri.
Mish-mishlarga ishonilsa, futbolchiga nafaqat madridliklar, balki «Arsenal» va «Barselona» klublari ham qiziqish bildirmoqda.
«Atletiko» rahbariyati kelayotgan yozgi transfer oynasida hujum chizig‘ini albatta kuchaytirish kerak deb hisoblaydi, shu sababli bozordagi turli variantlarni ko‘rib chiqmoqda. Ta’kidlanishicha, Tresoldining o‘yin uslubi «Atletiko» bosslarini (rahbarlarini) to‘liq qanoatlantiradi.
Transfermarkt portali Tresoldini 13 million yevroga baholamoqda.
