«Los-Anjeles Gelaksi» yarim himoyachisi Marko Roys MLS doirasida «Ostin»ga qarshi uchrashuvda o‘ziga xos xet-trik qayd etdi.
37 yoshli germaniyalik futbolchi raqib darvozasiga gol urmagan bo‘lsa-da, bir o‘yinda uchta golli uzatma berdi. Uning jamoasi esa 4:1 hisobida yirik g‘alabaga erishdi.
Roys joriy MLS mavsumida 30 ta uchrashuvda maydonga tushib, 8 ta gol va 12 ta assist qayd etgan.
Eslatib o‘tamiz, tajribali yarim himoyachi 2024 yil yozida erkin agent sifatida «Los-Anjeles Gelaksi»ga qo‘shilgan. Uning hozirgi transfer qiymati 1,5 million yevroga baholanmoqda.
