Buyuk Britaniya taxti vorisi, Uels shahzodasi Uilyam Angliya terma jamoasi sardori va Myunxenning «Bavariya» klubi hujumchisi Harri Keynni 2026 yilgi «Oltin to‘p» sovrinini qo‘lga kiritgani bilan tabrikladi.
«Harri Keynni “Oltin to‘p” uchun ovoz berishdagi g‘alabasi bilan chin qalbimdan tabriklayman! Bu qanday ajoyib natija va unga qanchalik munosib erishildi!
U — ajoyib sardor, buyuk futbolchi va butun dunyodagi futbol muxlislariga unutilmas lahzalarni taqdim etgan inson», — deb yozdi shahzoda Uilyam ijtimoiy tarmoqlardagi sahifasida.
Eslatib o‘tamiz, 33 yoshli Harri Keyn faoliyatida ilk bor France Football nashri tomonidan beriladigan «Oltin to‘p» sovrinini qo‘lga kiritdi. Taqdirlash marosimi Londonda yubiley tadbiri doirasida o‘tkazildi.
